14 de febrero del 2024. A candidata nº4, Martina Aneiros, e o candidato pola provincia de Ourense, Xosé Merelles, presentaron hoxe as propostas de turismo as entidades culturais, sociais, empresas do ámbito do turismo… Así destacaron o apoio e compromiso da Xunta de Galicia a diferentes festas e eventos de interese de Ferrol e comarca como a Semana Santa Ferrolana Declarada de Interese Turístico Internacional, as Pepitas de interese Turístico Rexional- dende o Concello de Ferrol estase a traballar para conseguir a Declaración Nacional, as Meninas, o Festival do Mundo Celta de Ortigueira, a Festa do Polbo de Mugardos, Pantín Classic Galicia Pro (Valdoviño), Romaría da Fraga (As Pontes), Oenach Atlántico (Narón) e Festa do Pan de Neda.
Aneiros recordou que “desde a posta en marcha da Delegación Territorial de Ferrol destinaronse máis de 560.000 euros para financiar 40 proxectos nos últimos dous anos a través de axudas para o embelecemento do litoral, a dixitalizacion de establecementos turísticos, melloras de infraestruturas turísticas, axencias de viaxe”, entre outras iniciativas.
CAMIÑO INGLÉS, UNHA REFERENCIA
Nos últimos anos o Camiño Inglés tense convertido por dereito propio nun piar fundamental sobre o que se está a construír a identidade turística tanto de Ferrol como da comarca de Ferrolterra.
En 2023, 24.093 peregrinos optaron por esta ruta (cifra similar á de 2022 cando este itinerario experimentou o maior crecemento da súa historia, non sendo este 2023 Ano Xacobeo) para facer o Camiño de Santiago o que supón un 5,4% do total. É a 4ª ruta máis transitada, recordaron os candidatos.
ALBERGUE DE PEREGRINOS
Desde o pasado 1 de xullo Ferrol dispón dun albergue público no quilómetro cero do Camiño Inglés e o balance non pode ser máis positivo. Dende a súa entrada en funcionamento, 1.583 persoas pernoctaron nestas instalacións e as cifras van aumentando cada mes o que demostra a aposta por esta ruta da peregrinación a Santiago de Compostela.
O albergue conta con 60 prazas, das cales dúas son adaptadas, e supuxo un investimento de Turismo de Galicia de máis de 500.000 euros.
Nesta liña de traballo conxunto da Xunta co Concello de Ferrol é a que Alfonso Rueda compromete a partir do próximo 18 de febreiro porque así “Galicia Funciona”.
